Абиханова Гүлбаршын Сатыбалдықызы

Абиханова Гүлбаршын Сатыбалдықызы Қарақия ауданы, Құрық ауылындағы №6 орта мектебінің 1988 жылғы  мектеп  түлегі. Онжылдықты аяқтағаннан кейін Орал қаласындағы «Құрмет белгісі» Орденді  А.С.Пушкин атындағы педагогикалық институтқа түсіп, 1992 жылы ойдағыдай аяқтап, алғашқы еңбек жолын өзінің білім алған мектебіне келіп, директордың тәрбие жұмысы жөніндегі орынбасары қызметінен бастады.

1995 жылы Жетібай ауылындағы №4 орта мектебіне ауысып, 1995-1998 жылдар  аралығында  орыс сыныптарына  қазақ  тілінен сабақ берді. 1998-2003 жыл директордың тәрбие жұмысы жөніндегі орынбасары, 2003-2011 ж. директордың оқу ісі жөніндегі  орынбасары қызметтерін атқарды. 2011-2014 жылдары аралығында «Балапан» бағдарламасымен ашылған 280 орындық  жаңа «Айналайын» бала-бақшасының директоры қызметіне  тағайындалып, 2014  жылдан  бастап «Жетібай  ауылының №4 орта мектебінің» директоры қызметіне ауыстырылды. Қазіргі таңда сол №4 орта мектебінің  директоры.

«Еңбек етсең, еленбей қалмайсың» демекші, оның  еңбегі бағаланып,  ҚР-ның Мемлекеттік және қоғамдық қызметте сіңірген еңбегі, елдің әлеуметтік-экономикалық және мәдени дамуына халықтар  арасындағы достық пен ынтымақтастықты нығайтуға  қосқан  елеулі үлесі үшін Қазақстан Республикасының Құрмет грамотасымен (2014 ж.)және «Қазақстан Республикасының Тәуелсіздігіне 25 жыл» мерекелік  медалімен (2016 ж.) наградталды.

Бүгінгі таңда білімділер ғасырында ой өрісі жоғары, зерделі, жан-жақты дамыған, парасатты ұрпақ тәрбиесіне елеулі  үлес қосып, шәкірттері мен ұжымының ыстық ықыласына, сый құрметіне бөленіп жүрген – бақытты ұстаз. 

Соңғы жаңалықтар